2011 წლის 20 ოქტომბერს, კონსტიტუციონალიზმის კვლევისა და ხელშეწყობის რეგიონალურ ცენტრსა და გრიგოლ რობაქიძის სახელობის უნივერსიტეტს შორის ურთიერთთანამშრომლობის მემორანდუმი გაფორმდა.

• უნივერსიტეტის სტუდენტების მაღალკვალიფიციურ სპეციალისტებად ჩამოყალიბების უზრუნველსაყოფად ურთიერთთანამშრომლობის ისეთი სისტემის ფორმირება/განვითარებას, რომელიც განსაზღვრავს სტუდენტის კარიერის პერსპექტივას.   

• ერთობლივი ძალისხმევით სტუდენტებისათვის ისეთი მრავალმხრივი საგანმანათლებლო პროგრამების (სასწავლო კურსების/მოდულების) დაგეგმვა/ფორმირებას, რომელიც შეესაბამება ”ცენტრის” მოთხოვნებს, საზოგადოების საჭიროებებსა  და შრომის ბაზრის სამომავლო პროგნოზებს.

• სამეცნიერო/საერთაშორისო და  მრავალმხრივი პრაქტიკული თანამშრომლობის განვითარების მიზნით, ერთობლივი თემატური სემინარების/კონფერენციების, საჯარო ლექციების/ტრეინინგების და სხვადასხვა ღონისძიებების ორგანიზებას.

• სტუდენტთა პრაქტიკული უნარ-ჩვევების განვითარების მიზნით მათ სტაჟირებაზე/დასაქმებაზე ორიენტირებული ერთობლივი პროექტების ორგანიზება/რეალიზებას.  

• მხარეების საბიბლიოთეკო ფონდებით სარგებლობის ხელმისაწვდომობის უზრუნველყოფა სტუდენტებისათვის/თანამშრომლებისათვის. 

ურთიერთთანამშრომლობის მემორანდუმს ხელი მოაწერეს კონსტიტუციონალიზმის კვლევისა და ხელშეწყობის რეგიონალური ცენტრის ხელმძღვანელმა  ავთანდილ დემეტრაშვილმა და გრიგოლ რობაქიძის სახელობის უნივერსიტეტის რექტორმა, პროფესორმა მამუკა თავხელიძემ.მემორანდუმის ხელმოწერას ესწრებოდნენ, გრიგოლ რობაქიძის სახელობის უნივერსიტეტის სამართლის სკოლის დეკანი, გერმანელი კონსტიტუციონალისტი, პროფესორი, სამართლის დოქტორი, გერმანიის ბუნდესტაგის წარმომადგენელი გერმანიის საკონსტიტუციო სასამართლოში  დიტერ უმბახი და ამავე უნივერსიტეტის პროფესორი ლევან იზორია.

სტუმრებმა დაათვალიერეს კონსტიტუციონალიზმის დარბაზი და ბატონი ავთანდილ დემეტრაშვილისგან მიიღეს სამახსოვრო საჩუქრები, მათ შორის ცნეტრის მიერ გამოცემული კონსტიტუცია, ქართულ და ინგლისურ ენებზე და საყმაწვილო კონსტიტუცია მოსწავლე-ახალგაზრდობისათვის. ბატონმა ავთანდილ დემეტრაშვილმა, გრიგოლ  რობაქიძის სახელობის ბიბლიოთეკას საჩუქრად გადასცა სახელმძღვანელო კონსტიტუციური სამართალი.