სასწავლო პროგრამის ფარგლებში მოსწავლეებმა დაათვალიერეს კონსტიტუციონალიზმის დარბაზი, სადაც წარმოდგენილია მსოფლიოში კონსტიტუციონალიზმის განვითარების ამსახველი ექსპოზიცია.
კონსტიტუციონალიზმის კვლევისა და ხელშეწყობის რეგიონალური ცენტრის ხელმძღვანელმა ავთანდილ დემეტრაშვილმა წაიკითხა ლექცია თემაზე - კონსტიტუციონალიზმის საფუძვლები.
სამოქალაქო, სისხლის სამართლისა და ადმინისტრაციული სამართლის პრინციპებზე მოსწავლეებს ესაუბრნენ კონსტიტუციონალიზმის დარბაზის განყოფილების უფროსი, იურისტი ლალი ტაკიძე და იურისტი პაატა ჯალაღონია.     
ისტორიკოს კახაბერ ქამადაძისგან მოისმინეს სალექციო კურსი აჭარის ავტონომიური რესპუბლიკის ისტორია.
 სასწავლო პროგრამით გათვალისწინებული სალექციო კურსის მოსმენასთან ერთად მოსწავლეებმა შეავსეს თემატური ტესტები და მონაწილეობა მიიღეს იმიტირებულ სასამართლო პროცესში.
თემატური ტესტების შედეგებით გამოვლინდა, საზაფხულო სკოლის პირველი ნაკადის 3 განსაკუთრებით წარმატებული მონაწილე: გიორგი კახნიაშვილი, ჰრიფსიმე გედელიანი და ვახო ოდოსაშვილი,
 რომლებიც საზაფხულო სკოლის მომდევნო ნაკადების სხვა წარმატებულ მონაწილეებთან ერთად
მიმდინარე წლის ოქტომბრის თვის დასაწყისში ესტუმრებიან საერთაშორისო ახალგაზრდულ ბანაკს - ,,პატრიოტი“.
სასწავლო პროგრამის პარალელურად მოსწავლეებმა დაათვალიერეს აჭარის ავტონომიური რესპუბლიკის ღირსშესანიშნაობები - ბოტანიკური ბაღი და გონიოს ციხე.